Ish-ministri i Brendshëm Saimir Tahiri pritet të paraqitet nesër në Prokurori ku do të merret në pyetje në lidhje me dosjen “Shullazi”.
Sipas "BalkanWeb” Tahiri pritet të paraqitet nesër në orën 10:00 në organin e akuzës pasi ka konfirmuar më herët marrjen e fletëthirrjes nga prokuroria për të dhënë shpjegime për takimin me ish-dekanin e Fakultetit të Shkencave të Natyrës, sot rektor i UT, Mynyr Koni, i cili është kërcënuar nga Emiljano Shullazi.
Profesor Koni pas kërcënimit sipas prokurorisë është pritur në një takim nga Ministri i Brendshëm i asaj kohe i cili ka premtuar zgjidhjen e çështjes.
Por nesër në Prokurori do të paraqitet për të dhënë dëshminë e saj edhe ministrja e Arsimit Lindita Nikolla një orë pas Tahirit.
Kjo, për shkak se në takimin mes Konit, atëherë kandidat për rektor dhe ishministrit Tahiri ka qenë e pranishme edhe Nikolla.
Ministrja e Arsimit dhe ishministri Saimir Tahiri do të merren në pyetje nga prokurorja e çështjes Elisabeta Imeraj, e cila ka firmosur edhe shkresat për thirrjen e tyre në prokurori.
Emiljano Shullazit së bashku me të dyshuar të tjerë po hetohen prej muajsh për disa akuza, si gjobëvënie e kërcënime ndaj dy profesorëve Dhori Kule e Mynyr Koni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
