Njeriu më i pasur në Kinë, themeluesi i gjigantit të shitjeve online, Alibaba, do të dorëhiqet më 10 shtator 2019. Vendin e Jack Ma pritet ta zërë shefi ekzekutiv i kompanisë, Daniel Zhang.
“Me miratimin e drejtuesve të bordit, si sot një vit më vonë, më 10 shtator 2019, datë që përkon me përvjetorin e 20-të të grupit Alibaba, menaxheri i përgjithshëm, Daniel Zhang , do të zërë vendin e tij si kryetar bordi”, thuhet në një letër të Ma.
Miliarderi Ma do të jetë në detyrë në 12 muajt e ardhshëm, për të mbikëqyrur “tranzicionin e butë dhe të suksesshëm” të pushtetit.
Në njoftimin që përkon me ditëlindjen e 54-t të Ma, ky i fundit vuri në dukje se pasardhësi i tij 46-vjeçar Zhang ka qenë pjesë e kompanisë për 11 vjet dhe ka demonstruar talent të shkëlqyer dhe aftësi të mira drejtuese.
Ndërsa vetë Ma, një ish-mësues anglishteje, thotë se ka ende ëndrra për të ndjekur dhe mund t’i kthehet mësimdhënies.
"Bota është e madhe dhe unë jam ende i ri, kështu që unë dua të provoj gjëra të reja”, shkruan ai në letër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
