Me hyrjen e tij në gjykatë, ku është thirrur për aferën e yllit të pornos, Donald Trump është teknikisht “nën arrest”. Lajmin e bën të ditur CNN dhe media të tjera amerikane, megjithatë, për momentin nuk ka raportime që ish-presidentit mund t’i jenë vënë prangat.
Ndërsa BBC saktëson se pas mbërritjes së tij në gjykatë, Donald Trump është zyrtarisht nën arrest dhe në paraburgim policor përpara akuzës së tij të ardhshme.
“Surreale". Kështu e cilësoi Donald Trump seancën e tij kur hyri në gjykatën e Manhatanit.
“Duke u nisur për në Gjykatën e Manhatanit. Duket kaq SUREALE - WOW, ata do të më arrestojnë. Nuk mund të besohet se kjo po ndodh në Amerikë. MAGA!”
Ai është presidenti i parë amerikan që përballet me akuza penale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
