Drejtori i një shkolle në Kinë ju nënshtrua dënimit me vdekje, i shpallur fajtor për dhunën dhe përdhunimin ndaj nxënësve të një shkolle fillore në provincën e Gansu, në veriperëndim të vendit.
Burri u ekzekutua me një injeksion vdekjeprurës më 7 nëntor, pasi u shpall fajtor për krimin e dhunës seksuale ndaj mbi njëzet vajzave të moshës 8 deri në 14 vjeç.
Drejtori Zhang Longji, kishte përdhunuar pesë vajza nën moshën 12 vjeç.
Krimet u kryen gjatë kohës së tij si drejtues i mësimdhënies dhe disiplinës dhe më pas si drejtor i një shkolle fillore lokale në qarkun Jingning.
Gjykata Popullore e Ndërmjetme e qytetit Pingliang e shpalli Zhang fajtor për përdhunim dhe e dënoi me vdekje për shkak të ashpërsisë së krimeve të tij.
Pavarësisht apelimit të Zhang kundër dënimit, Gjykata e Lartë Popullore e provincës la në fuqi dënimin maksimal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
