Robert F. Kennedy Jr. i është gjithnjë e më pranë postit të Sekretarit të Shëndetësisë dhe Shërbimeve Njerëzore të SHBA-së, pasi Komiteti i Financave i Senatit votoi 14-13 për të miratuar emërimin e tij, me të gjithë republikanët në favor dhe të gjithë demokratët kundër.
Kennedy, 71 vjeç, një skeptik i njohur i vaksinave, u përball me pyetje rigoroze gjatë seancave të konfirmimit të tij.
Senatori republikan Bill Cassidy nga Luiziana, një mjek dhe kryetar i Komitetit të Shëndetit të Senatit, fillimisht kishte shprehur rezerva për qëndrimin e Kenedit për vaksinat.
Sidoqoftë, Cassidy përfundimisht votoi pro pasi mori garanci nga Kennedy dhe administrata për "angazhimin e tyre për të mbrojtur përfitimin e shëndetit publik nga vaksinimi".
Demokratët, të udhëhequr nga senatori Ron Wyden nga Oregon, e kundërshtuan me forcë nominimin, duke përmendur shqetësimet mbi pikëpamjet e Kenedit.
Wyden paralajmëroi se udhëheqja e Kenedit mund të gërryejë besimin e publikut në vaksinat dhe iniciativat e shëndetit publik. Senati, ku republikanët aktualisht kanë shumicën, pritet të votojë për emërimin e Kenedit në ditët në vijim ose javën e ardhshme. Për konfirmim kërkohet një shumicë e thjeshtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
