Autoriteti grek kundër pastrimit të parave njoftoi të hënën se ka gjurmuar një firmë pronash të paluajtshme me qendër në rrethin qendror të Athinës, Kolonaki, tek eurodeputetja e burgosur, Eva Kaili dhe partneri i saj.
Kompania e krijuar një muaj më parë dhe që merret me tregtimin dhe shfrytëzimin e pronave, është ngrirë dhe po hetohet për aktivitetet e saj.
Më herët, autoriteti njoftoi se po urdhëronte ngrirjen e të gjitha pasurive në pronësi të Kailit, partnerit të saj dhe familjarëve të ngushtë në Greqi, duke përfshirë të gjitha pasuritë e paluajtshme, llogaritë bankare, si dhe të gjitha produktet financiare, aksionet në kompani dhe asete të tjera. Kaili u arrestua në Belgjikë me akuza për korrupsion, pastrim parash dhe pjesëmarrje në një organizatë kriminale.
Ngrirja e aseteve synon kryesisht zbulimin dhe bllokimin e parave cash ose mallrave të shtrenjta portative (dhuratat) që mund të tregohen të lidhura me pastrimin e parave.
/ Ekathimerini /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
