Propozimi nga Irani: Referendum për të ardhmen e Palestinës

Mbajtja e një referendumi mes palestinezëve për të ardhmen e territoreve të tyre është mënyra e vetme për të zgjidhur çështjen palestineze, propozoi zëvendësministri i Jashtëm iranian, Ali Bagheri Kani.

E vetmja zgjidhje për çështjen palestineze është mbajtja e një referendumi në të cilin do të marrin pjesë të gjithë palestinezët, si ata që jetojnë në territoret e pushtuara ashtu edhe ata që i lanë ato dhe jetojnë në vende të tjera. Ata duhet të përcaktojnë vetë fatin e tyre dhe të zgjedhin vetë mekanizmin e dëshiruar të qeverisjes.

Zëvendësministri i Jashtëm vuri në dukje se zgjidhja e çështjes palestineze duhet të jetë në duart e vetë palestinezëve, të cilët nuk kanë nevojë për kujdestarë të jashtëm.

“Problemet fillojnë kur jo-palestinezët duan të marrin një vendim për çështjen palestineze”, shtoi ai, citon Tass.

Kryeministri izraelit Benjamin Netanyahu tha më 11 nëntor se vendi i tij nuk ka ndërmend të rifillojë ndërtimin e vendbanimeve në Rripin e Gazës pas përfundimit të operacionit ushtarak. Pala izraelite planifikon vetëm të ushtrojë kontrollin e sigurisë.

Ophir Falk, këshilltar për politikën e jashtme të kryeministrit izraelit Benjamin Netanyahu, vuri në dukje se Izraeli nuk ka ndërmend të përcaktojë se si do të qeveriset enklava pas përfundimit të armiqësive.

Më 5 nëntor, Presidenti palestinez Mahmoud Abbas tha gjatë një takimi me Sekretarin e Shtetit të SHBA-së Antony Blinken se administrata e tij është gati të kthehet në qeverisjen e Rripit të Gazës si pjesë e një zgjidhjeje politike gjithëpërfshirëse për konfliktin e Lindjes së Mesme.

Abbas vuri nënvizoi se Rripi i Gazës është një pjesë integrale e shtetit të Palestinës dhe se do të jetë plotësisht përgjegjës si në Bregun Perëndimor, përfshirë Jerusalemin Lindor, ashtu edhe në Rripin e Gazës pas përfundimit të fazës së nxehtë të konfliktit brenda kornizës, për një zgjidhje politike gjithëpërfshirëse.