Gjyqi ndaj ish-ministrit të Brendshëm, Saimir Tahiri është shtyrë sërish. Seanca e cila ishte planifikuar të mbahej sot, nuk do të zhvillohet për shkak të koronavirusit.
Gjykata e Posaçme ka njoftuar palët, që të mos paraqiten deri në në njoftim të dytë, pasi nuk e konsideron si një çështje të ngutshme.
Seanca e radhës për Tahirin ishte planifikuar të mbahej sot me trupën gjykuese të përbërë nga Albana Boksi, Nertina Kosova dhe Nure Dreni.
Ish-ministri i Brendshëm, Saimir Tahiri, u dënua me 5 vite burg nga Gjykata e krimeve të Rënda, shtatorin e kaluar, por për shkak të gjykimit të shkurtuar, dënimi u ul në 3.5 vite burg, të cilat u konvertuan në shërbim prove.
Gjykata e liroi Tahirin nga akuzat për trafik droge dhe favorizim të grupit kriminal të Habilajve, por u gjet fajtor për “shpërdorim detyre”.
Vendimi i gjykatës la të pakënaqur të dyja palët, të cilat vendosën që ta apelonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
