Pastruesja Rozeta Dobi, ka çuar në pranga zyrtaren Alda Klosi me dëshminë e saj të re! Kjo e fundit është arrestuar mbrëmjen e së premtes, me akuzën e pastrimit të parave.
Dëshmia e pastrueses ka tjetërsuar të gjithë historinë që ishte raportuar deri më tani, ku nga grabitje siç u fol më herët, tani bëhet fjalë për një inskenim të ngjarjes.
Rozeta Dobi ka treguar se ka bashkëpunuar me Alda Klosin duke e inskenuar si grabitje, pasi zyrtarja ka dashur që t’ia hidhte fajin bashkëshortin, me të cilin kishte pasur konflikte.
Sipas Rozetës, Alda i ka thënë që të marrë 120 mijë eurot nga kasaforta dhe t’i fshihte dhe të gjithën ta inskenonte si grabitje.
“Paratë vinin që nga viti 2021. Unë nuk kam dijeni kush i sillte por paratë vinin në çantë. Në dhjetor 2022 Alda ngaqë kishte konflikte me burrin më kërkoi t’i ruaja. Atë ditë që i mora nuk ishte në shtëpi. Më tha merri në kasafortë. Vjedhjen e inskenova pasi ajo donte të ngarkonte me përgjegjësi burrin”, ka thënë Rozeta Dobi, dhe pikërisht kjo dëshmia e saj ka bërë që Prokuroria të presë urdhër arresti për zyrtares.
Ish-zyrtarja akuzohet për fshehje pasurie, pastrim parash dhe deklarim të rremë para oficerit të policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
