Kryeministri Edi Rama ka mbledhur grupin parlamentar të Partisë Socialiste ditën e sotme, një mbledhje e cila pritet të ketë dinamika, pas zhvillimeve të fundit. Kjo mbledhje vjen pas dorëheqjes së deputetit socialist Rrahman Rraja, pasi djali dhe familjarët e tij u përfshin në një sherr të dhunshëm, me pasojë dy të plagosur rëndë. Mbledhja vjen gjithashtu pas shkarkimit të Bledi Çuçit si ministër i Brendshëm dhe propozimit të Taulant Ballës në vendin e tij. Kërkesa për ndryshime në qeveri janë dorëzuar ditën e sotme në Parlament, ndërkohë që pritet dekreti i Presidentit Bajram Begaj. Diskutime gjatë mbledhjes do të ketë për kreun e grupit parlamentar socialist i lënë bosh nga Taulant Balla, ku përflitet deri më tani Ermonela Felaj dhe Toni Gogu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
