Texcaltitlan, një qytet në Meksikën qendrore, ndodhet në shok, pasi shumë qytetarë, të lodhur duke paguar paratë e për kartelin lokal, vranë një grup prej tetë trafikantësh droge me hanxharë në fushën e futbollit komunal.
Rezultati i përplasjes shkaktoi 14 të vdekur, dhjetë prej të cilëve ishin të lidhur me kartelin Familia Michoacana.
Sipas asaj që raportohet nga mediat meksikane, banorët e qytetit ishin thirrur të premten në fushën e sportit për të paguar tarifën javore për kriminelët vendas.
Por, pasi kanë dalë nga kamionët e tyre, trafikantët janë sulmuar nga turma me gurë, goditje me hanxhar dhe grushta.
Policia mbërriti menjëherë në vendin e masakrës dhe po rindërton atë që ndodhi përmes videove të postuara në rrjetet sociale, me qëllim zbardhjen e ngjarjes.
Zyrtarët thanë se 10 nga të vdekurit ishin anëtarë të kartelit të dhunshëm të drogës Familia Michoacana, duke përfshirë udhëheqësin e tij, Rigoberto de la Sancha Santillan, i njohur si “El Payaso” ose “Klloun”.
Katër të tjerë të vrarë ishin banorë të fshatit. Karteli ka qenë dominues në zonë për shumë vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
