Vranësira kalimtare dhe reshje të dobëta lokale në jug, parashikimi motit sot

Gjatë ditës së sotme, vendi ynë do të vijojë të jetë nën ndikimin e kushteve atmosferike të qëndrueshme.

Moti parashikohet kryesisht i kthjellët, ndërsa gjatë orëve të mesditës dhe pasdites do të ketë vranësira të pakta deri mesatare, më të theksuara në zonat malore të jugut dhe në relievet lindore.

Në jug të vendit, këto vranësira mund të shoqërohen me reshje shiu të dobëta dhe të izoluara, kryesisht nga mesdita deri në orët e pasdites.

Era do të fryjë nga veriu me shpejtësi mesatare rreth 7 m/s, ndërsa herë pas here në vijën bregdetare dhe në zonat luginore mund të arrijë deri në 14 m/s.

Sa i përket detit, valëzimi në Adriatik dhe Jon do të jetë 2 deri në 4 ballë.