Rusët po përpiqen të largohen nga vendi pas thirrjes të Putinit për mobilizim ushtarak. Radhë të gjata janë krijuar në pikat kufitare që kur Presidenti Vladimir Putin njoftoi një mobilizim të pjesshëm ushtarak të mërkurën, ku deri në 300,000 persona mund të thirren për të luftuar.
Kremlini thotë se raportet për largimin e rusëve janë të ekzagjeruar. Por në kufi me Gjeorgjinë, janë krijuar radhë të gjata automjetesh duke përfshirë burra që përpiqen t’i shpëtojnë luftës.
Gjeorgjia është një nga vendet e pakta fqinje ku rusët mund të hyjnë pa pasur nevojë të aplikojnë për vizë.
Finlanda, e cila ndan një kufi prej 1,300 km (800 milje) me Rusinë, kërkon viza dhe gjithashtu raportoi një rritje të trafikut gjatë natës por tha se ishte në një nivel të menaxhueshëm.
Destinacione të tjera përfshijnë Stambollin, Beogradin ose Dubain, të cilat kanë parë që çmimet e biletave janë rritur menjëherë pas shpalljes së thirrjes ushtarake, me disa destinacione të shitura plotësisht.
Mediat turke kanë raportuar për një rritje të madhe të shitjeve të biletave me një drejtim, ndërsa fluturimet e mbetura drejt destinacioneve pa viza mund të kushtojnë mijëra euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
