Një bisedë private në anglisht, e zhvilluar mes kancelares gjermane dhe kryeministrit italian gjatë samitit në Davos qarkullon sot në mediat italiane. Merkel dhe Conte kanë biseduar gjatë një seance pushimi në samitin e Davosit, por biseda është kapur nga kamerat e televizionit italian, T7.
“Salvini është kundër të gjithëve”, i thotë Conte kancelares gjermane në lidhje me ministrin e Brendshëm të Italisë.
Më tej, Conte i thotë Merkelit se Lëvizja 5 Yjet është e shqetësuar për shkak të sondazheve që e paraqesin dobët në krahasim me Legën e Salvinit, ndërsa po afrohen zgjedhjet europiane.
Në përgjigje të një pyetjeje të Merkelit, Conte thotë se Lëvizja 5 Yjet e sheh Gjermaninë si mike dhe ka ndërmend ta bëjë fushatë kundër Francës.
“Në prag të fushatës elektorale, tani në parti ka shumë që thonë: Gjermania është mikja jonë dhe duhet të bëjmë fushatë kundër Francës”, i thotë Conte.
Merkel buzëqesh dhe ngre sytë lart: “Është një qëndrim i thjeshtë”, thotë ajo.
“Forca ime është se kur u them “t’i lëmë këto tani”, ata nuk grinden më. Kjo është forca ime, e kam këtë pozicion”, i thotë ai Merkelit në lidhje me marrëdhëniet mes dy zëvendëskryeministrave, aleatë në qeverisje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
