Autoritetet e Guatemalës kanë shpëtuar 160 fëmijë nga një pronë që i përket sektit Lev Tahor, një grup i krijuar në vitet 1980 i dyshuar për dhunë seksuale ndaj të miturve dhe që praktikon një judaizëm ultra-ortodoks, ku gratë veshin rroba të zeza që i mbulojnë nga koka te këmbët.
“Operacioni bëri të mundur shpëtimin e 160 të miturve të cilët dyshohet se ishin viktima të abuzimit nga një anëtar i sektit Lev Tahor”, tha ministri i Brendshëm i Guatemalës Francisco Jimenez në X pas një kontrolli në pronën që ndodhet në komunën e Oratorio, rreth 60 km në jug-perëndim të kryeqytetit, ku sekti ishte krijuar në vitin 2016.
Kërkimi u motivua nga dyshimet për trafikim njerëzor “në formën e shtatzënive të detyruara, abuzimi me fëmijët dhe përdhunimet”, tha prokurori Dimas Jimenez.
Operacioni mori mbështetje nga Departamenti Amerikan i Sigurisë Kombëtare dhe kërkimet çuan në zbulimin e eshtrave të një të mituri, shtoi Jimenez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
