Në orën 11:00 banorët e Roskovecit do dorëzojnë në SPAK një padi ndaj Majlinda Bufit, për shkeljet e gjetura në dëgjesat publike dhe manipulimin që u është bërë banorëve.
Bashkia u ka thënë banorëve që do të ndërtohen panele diellore për energji, dhe jo termocentral. Në dokumentin e dëgjesave publike ka firmosur edhe një i vdekur.
Do jenë këshilltarët bashkiakë të opozitës dhe 30 banorë, si dhe avokati, që sot në orën 11:00 do dorëzojnë dosjen.
NJOFTIM
Sot në 11:00 para godinës së GJKKO, Av Altin Goxhaj (Studio Ligjore Aga & Goxhaj Law Firm) dhe Sazan Guri si ekspert mjedisor, bashkë me një grup banorësh nga fshati Suk 1 i Bashkisë Roskovec, do të jemi për të paraqitur një kallzim në SPAK për falsifikim dokumentesh dhe shpërdorim detyre për Kryetaren e Bashkisë Roskovec dhe një grup zyrtarësh dhe funksionarësh publikë si dhe përfaqësues dhe punonjës të kompanisë FIER THERMOELECTRIC që synon të ndërtojë një termoçentral me gaz duke rrezikuar pa kthim shëndetin e të rriturve dhe fëmijëve, banorë të fshatit Suk 1 në Roskovec si dhe shpopullimin e plotë të fshatit të vetëm të pashpopulluar ende në Roskovec.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
