Burime të “Panorama” nga Prokuroria shqiptare konfirmuar se autoritetet italiane i kanë sjellë prokurorisë shqiptare një listë me 30 emra. Këto emra përmenden tek të gjitha përgjimet e kryera. 

Italia i ka kërkuar autoriteteve shqiptare të nisin hetim duke filluar nga Saimir Tahiri, ish ministër i Brendshëm, tek shefat e Policisë së Shtetit. Secili prej këtyre emrave thanë burimet, përmendet në përgimet e Habillajve

Emri i Saimir Tahiri doli në përgjimet që autoritetet italiane kanë bërë ndaj bandës së drogë, ku vetë Moisi Habilaj në bisedat me anëtarët e tjerë të trafikut, thotë se Tahiri i mbështet dhe se i detyrohet një shumë të konsiderueshme parash. Aty përfshihen edhe zyrtarë të lartë të policisë së shtetit, që sipas Habilajt arrijnë derisa i ndihmojnë trafikantët të ngarkojnë drogën.

Në Itali u arrestuan 7 persona bashkë me Moisi Habilajn, ndërsa për 4 shqiptarë të tjerë janë lëshuar urdhër arreste.

Vetë ish-ministri i Brendshëm Saimir Tahiri u vetëdeklarua i pafajshëm për të gjitha akuzat e ngritura duke i quajtur “mburrje” mes kriminelëve përmendjen e emrit të tij.