Kryetari i Partisë Demokratike, Lulzim Basha deklaroi sot se “zgjidhja e krizës politike kalon nga politikanë me pranga në duar”. Lideri i opozitës Lulzim Basha ka postuar në rrjetin social, formulën që sipas tij do të zgjidhë krizën politike në Shqipëri.
Basha shkruan se kësaj here kriza do të kalojë përmes prangave në duart e atyre politikanëve që kanë vjedhur votën dhe paratë e popullit shqiptar.
“Ja si hajduti psiqik vodhi zgjedhjet me krimin e organizuar për të plaçkitur Shqipërinë me ta dhe me oligarkët grabitqarë! Vetëm zgjedhjet e lira dhe të ndershme me një qeveri tranzitore pa hajdutin psiqik, dhe ndëshkimi i politikanëve që vodhën zgjedhjet, do ta çlirojnë demokracinë dhe drejtësinë nga kjo bandë kriminale. Kësaj radhe zgjidhja e krizës kalon nga politikanë me pranga në duar!”, shkruan Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
