Statuja e përmbysur e tregtarit të skllevërve Edward Colston do të rikthehet sërish në publik. Ajo ka qenë në depo që kur u hodh në një lumë nga protestuesit Black Lives Matter në Bristol në qershor të vitit të kaluar.
Tani, ajo do të ekspozohet, së bashku me pankarta të përdorura gjatë protestës, në muzeun M Shed të qytetit nga 4 qershori. Banorët po pyeten gjithashtu nga Komisioni i Historisë We Are Bristol se çfarë duhet të ndodhë me statujën tjetër.
Kryebashkiaku i Bristolit Marvin Rees tha: "Ekspozita synon të fillojë një bisedë në lidhje me historinë tonë."
Colston, një tregtar i shekullit të 17-të, është fyer për lidhjet e tij me skllavërinë, por ka mbetur një figurë e shquar në qytet. Statuja e tij u shkatërrua në Bristol gjatë protestave të Black Lives Matter.
Biznesmeni shumë i suksesshëm dhuroi para për shkolla dhe spitale, por tregtari i skllevërve të Shekullit 17 trafikoi dhjetëra mijëra njerëz gjatë kohës së tij si tregtar për një firmë të shquar britanike.
Ai lindi në një familje të pasur tregtare në Bristol në 1636 dhe vdiq në 1721. Colston ishte një tregtar në Kompaninë Mbretërore Afrikane gjatë Shekullit të 17-të.
Një memorial prej bronzi për nder të tij ka qëndruar në qendrën e qytetit Bristol që nga viti 1895 deri sa u hodh në lumë një vit më parë.
Colston ishte një filantrop në vendlindjen e tij Bristol dhe me vdekjen e tij, ai u la trashëgim pasurinë e tij bamirëse. Trashëgimia e tij mund të shihet ende në rrugët, përmendoret dhe ndërtesat e Bristolit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
