Tre shqiptarë janë arrestuar në Itali për vjedhje falë bashkëpunimit të vetë qytetarëve të zonës në “Whatsapp”. Ata janë arrestuar nga policia në një bujtëinë të zonës, ku strehoheshin prej kohësh.
Banorët e zonës së Precottos, të cilët kanë krijuar një grup në “Whatsapp” për të komunikuar dhe për të parandaluar vjedhjet në banesat e tyre, kanë publikuar një video të njërës prej vjedhjeve. Gjatë kontrollit në dhomën ku të tre shqiptarët rrinin bashkë janë gjetur 5 mijë euro, 6 mijë dollar kanadezë dhe amerikanë, 20 parfume të markave të ndryshme, 25 orë, 15 varëse, unaza, rripa, çanta etj.
Mediat italiane shkruajnë se të arrestuarit janë Alban Rrucaj, 28 vjeç, dhe Benard Lika, 21 vjeç, të dy me precedentë të mëparshëm për vjedhje si edhe 25-vjeçari Erjon Rrucaj, pa precedentë të mëparshëm.
Policia e zonës thotë se pa ndihmën e banorëve, arrestimi i tyre do të kishte qenë i pamundur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
