Osmanët/ Kica: Pushtuesi nuk vjen për të civilizuar, por për të vënë taksë! Pse duhet të bëheshim myslimanë?!

Autori Ramazan Kica duke folur në emisionin “Arnautistan” tha se Osmanët nuk kishin qëllime civilizuese gjatë pushtimit, por për të vendosur taksa.

Fituesi e shkruan historinë, kjo dihet. Ne e kemi vuajtur këtë sepse mësuam vetëm përrallat e sistemit. Por mjafton të shohësh librin ‘Përdhunimet e Ballkanit’, nga vet skicat e osmanëve, është një ngjarje makabre. Një popull i tërë i zhdukur, i shkatërruar, i rrënuar. Përse duhet të bëheshim myslimanë?! Pse duhet të nënshtroheshim?! Ne ishim në atdheun tonë. Pushtuesi nuk vjen për të civilizuar, por për të vënë taksë! Çfarë bashkëjetese?! Çfarë dashurie?! Unë luftoj për t’u mbrojtur! Ishte një pushtim”.

Sipas Kicës çështja e trajtimit të epokës së Skënderbeut, nuk është trajtuar ngultasi nga historiografia jonë, sidomos sa i përket toponimeve.

"Historia nuk shkruhet nëpër zyra, por duhet dalë në terren”, shprehet ai.