Inteligjenca ukrainase pretendon se anija ushtarake ruse “Sergei Kotov” është goditur nga dronët detarë në brigjet e gadishullit të Krimesë.
Bëhet fjalë për një anije patrulluese nga flota ruse e Detit të Zi, e cila u godit nga dronët detarë, sipas një burimi të inteligjencës ukrainase.
Anija ka pësuar dëmtime të mëdha, ndërsa ende nuk dihet fati i ekuipazhit. Ministria ruse e Mbrojtjes nuk e komentoi situatën.
“Sergei Kotov” i përket anijeve patrulluese të projektit 22160 të tipit Vasily Bykov.
Në total, 4 anije të këtij projekti janë ndërtuar në Rusi, dhe dy të tjera dyshohet se janë në ndërtim e sipër. Këto anije janë të pajisura me raketa të drejtuara.
Kostoja e anijes patrulluese të fundosur është rreth 65 milionë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
