Bhoomi Chauhan kujton se ishte e zemëruar dhe e frustruar. Trafiku i madh e kishte vonuar udhëtimin e saj me makinë për në aeroportin e Ahmedabadit, aq shumë sa ajo e humbi fluturimin e saj të Air India për në Londër Gatwick vetëm me 10 minuta.
Chauhan, një studente e administrimit të biznesit që jeton në Bristol me bashkëshortin e saj, kishte qenë për vizitë në Indinë perëndimore për pushime. 28-vjeçarja duhej të fluturonte për t’u kthyer në shtëpi me AI171 të enjten, avioni i cili u rrëzua menjëherë pas ngritjes, duke u marrë jetën 241 personave që ndodheshin në bord. Por, pasi mbërriti në aeroport më pak se një orë para nisjes, stafi i linjës ajrore e refuzoi atë.
“U zemëruam shumë me shoferin dhe u larguam nga aeroporti të frustruar”, kujton ajo.
“Isha shumë e zhgënjyer. Dolëm nga aeroporti dhe qëndruam në një vend për të pirë çaj dhe po bisedonim me agjentin e udhëtimit se si të merrnim rimbursim për biletën. Atje, mora një telefonatë që më tha se avioni ishte rrëzuar”, tha ajo. Duke folur mbi faktin se si i shpëtoi fluturimit, Bhoomi Chauhan e konsideron "një mrekulli për të".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
