Të paktën 16 persona kanë vdekur bazuar në raportimet e deritanishme dhe dëme masive janë lënë pas nga uragani Milton, i cili goditi bregun perëndimor të Floridës një ditë më parë, duke shkaktuar shira të dendur dhe përmbytje, tornado dhe ndërprerje të gjera të energjisë elektrike.
Erërat e Milton arritën 220 km/orë në vende, pavarësisht dobësimit të pjesshëm të tij, gjë që bëri që shërbimi i motit ta ulte atë në një stuhi të kategorisë 1.
Shën Petersburg, një qytet pranë vendit të rënies në tokë të uraganit, regjistroi 41 cm shi, tetë herë më shumë se mesatarja mujore e qytetit për tetorin.
Uragani solli gjithashtu një valë stuhie, përmbytje uji nga bregu në zonat e brendshme në qytetet Tampa, Shën Petersburg, Sarasota dhe Fort Myers. Më shumë se 2.6 milionë janë ende pa energji elektrike.
Përqindja më e lartë e klientëve pa energji është në Kontenë Highlands në Florida qendrore, ku më shumë se 88% e klientëve janë në errësirë dhe përgjatë bregut të Gjirit të shtetit.
Më shumë se 70% e familjeve dhe bizneseve janë pa energji në County Hillsborough, e cila është shtëpia e Tampa.
Qarqet Hardee, Manatee dhe Sarasota po përjetojnë gjithashtu ndërprerje të konsiderueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
