Japonia ka urdhëruar një konsull rus në Sapporo të largohet nga vendi deri më 10 tetor në shenjë hakmarrjeje për dëbimin e një konsulli japonez në Vladivostok muajin e kaluar, tha ministria e Jashtme.
Vendimi i Japonisë vjen pasi agjencia ruse e sigurisë FSB deklaroi në shtator se kishte arrestuar konsullin japonez të dyshuar për spiunazh, duke e urdhëruar të largohej nga vendi.
Zëvendësministri i Jashtëm, Takeo Mori thirri ambasadorin rus, Mikhail Galuzin, dhe e informoi për vendimin e Japonisë, raporton Reuters.
Japonia e shpalli konsullin rus në Sapporo person “non grata” dhe kërkoi që të largohej nga Japonia brenda gjashtë ditëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
