Shkupi dhe Sofia janë angazhuar intensivisht për zgjidhjen e kontestit që do t’i japë fund vetos që pengon hapjen e negociatave për anëtarësimin e Maqedonisë së Veriut. Pas krijimit të qeverisë së re të drejtuar nga Dimitar Kovaçevski, pritet edhe një mbledhje e përbashkët ndërqeveritare. Në një lidhje me Skype, analisti politik në Maqedoninë e Veriut, Ismet Ramadani, tha se janë kushtet për arritjen e një kompromisi.
Kur themi se është shtuar gama e bisedimeve është shtuar numri i grupeve të punës. Do të bisedohet për infrastrukturë, ekonomi, kulturë etj. Këto krijojnë kushte që bisedimet të jenë më konstruktive dhe t’i afrohemi një kompromisi. Ajo që është me rëndësi të veçantë duhet theksuar se kohët e fundit se para se të vinte qeveria e re ka pasur gjuhë të urrejtjes dhe kjo shkaktonte tensione dhe barrikadim të qëndrimeve të dy shteteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
