SPAK dhe BKH u ka kërkuar bankave të nivelit të dytë dhe institucioneve financiare të bllokojnë çdo llogari në emër të tre vëllezërve Prekaj, dhe personave të tjerë të dyshuar në lidhje me skemën e mashtrimit të Call Center-ave.
Ndërkohë ka nisur hapja e telefonave të sekuestruar dhe verifikimi i kontakteve dhe komunikimeve të personave të përfshirë. Po ashtu po kërkohen edhe dy vajzat e prezantuara si Alma dhe Ines, drejtoresha dhe menaxherja e Call Center-it që monitoronin punën e operatorëve dhe thirrjeve mashtruese që ata bënin në bursa.
Në kuadër të këtij operacioni, janë arrestuar: Remir Gjoligaj, Endri Gjata, David Qerimi, Elis Merkaj, Rentjan Peposhi dhe Odeas Kuqi. Ndërkohë vijojnë kërkimet për kapjen e tre vëllezërve Prekaj, që deri më tani dyshohet të jenë persona kyç në skemë.
Në një raportim në Mcn Live gazetari Arsen Rusta bën me dije:
“Përveç vëllezërve Prekaj në kërkim janë edhe Klaudio Kaçupi e Hysen Xhepexhiu, për të cilët SPAK e BKH kërkon nga bankat e nivelit të dytë bllokimin e çdo llogarie bankare apo transaksioni, apo vlerë monetare. Shumica e veprimeve bëhej në portofole digjitale, dhe mund të bëhet humbja e gjurmëve nga një llogari në tjetrën.
Në kullën e parë është sekuestruar kontrata e qirasë dhe janë marrë deklarime. Përmes agjencive imobiliare për të humbur gjurmët krijoheshin këto kontrata qiramarrje. Në kullën e dytë Infinite përmes agjencisë C Properties e kishte marrë një javë më parë me qira pa afat, edhe kjo kontratë qiraje është sekuestruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
