Pas shkarkimit të tetë drejtorëve të burgjeve një ditë më parë, drejtori i përgjithshëm i burgjeve, Arben Çuko, ka komanduar në krye të këtyre institucioneve drejtorët e rinj të cilët do të qëndrojnë në këto poste deri në emërimin e drejtorëve që do të përzgjidhem me anë të konkursit.
Komandimi i tyre do të zgjasë derisa të përfundojë dorëzimi i dosjeve të kandidatëve, që do të garojnë për burgjet, te një komision i posaçëm që pritet të ngrihet, raporton ORA.
Shkarkimin e 8 drejtorëve e njoftoi të shtunën Ministrja e Drejtësisë, Etilda Gjonaj, e cila tha se të gjithë ata do të kallëzohen për shpërdorim detyre dhe korrupsion, ndërkohë që dy ish-drejtues burgu rezultojnë me precedentë penalë.
Një nga shkeljet e evidentuara për ish-drejtuesit e burgjeve, ishte futja e celularëve, njeëelement ky që tregonte se nuk ishin respektuar parametrat e sigurisë në burgje.
Sipas kontrolleve të ushtruara muajt e fundit rezulton se vetëm në burgun e Lezhës, gjatë kontrolleve të befasishme të 7 muajve të fundit janë bllokuar 70 telefona, ndërkohë që emrat e poseduesve janë referuar në Prokurori.
E njëjta situatë ishte edhe në burgun i Peqinit, ku janë bllokuar 80 telefona.
Ndërsa gjatë kontrolleve personale, të të afërme të të dënuarve, u është gjetur lëndë narkotike e fshehur në ushqime ose në pjesët intime në trupit.
Drejtorët e komanduar:
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
