“Telegram” u ka kërkuar falje autoriteteve të Koresë së Jugut për faktin që s’janë parandaluar materialet pornografike “deepfake”, të shpërndara përmes aplikacionit të mesazhve, në një kohë kur vendi aziatik po përballet me një “epidemi” të krimit seksual dixhital.
Reagimi vjen disa ditë pasi policia e Koresë së Jugut tha se kishte nisur një hetim ndaj Telegram.
Javët e fundit, një numër i madh i dhomave të bisedave në “Telegram”, shumë prej tyre të drejtuara nga adoleshentë, u zbulua se kishin krijuar "deepfakes" seksualisht eksplicite duke përdorur fotografi të përpunuara të grave të reja. Autoritetet thonë se “Telegram” që atëherë ka hequr video të tilla nga platforma e tij.
Në një deklaratë për Komisionin e Standardeve të Komunikimit të Koresë së Jugut (KCSC), “Telegram” tha se situata ishte "fatkeqe", duke shtuar se "kërkonte falje nëse kishte pasur një element të keqkuptimit". Ai gjithashtu konfirmoi se kishte hequr 25 video të tilla siç kërkohej nga QKSC.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
