Temperaturat e ulëta gjatë mesnatës kanë rikthyer reshjet e deborës në vend.
Mësohet se në disa qarqe janë shkaktuar edhe probleme të shumta.
Në qarkun e Dibrës, trashësia e dëborës në rrugë ka bërë që të krijohen probleme me qarkullimin, gjithashtu dhe mungesë të energjisë elektrike, kryesisht në fshatrat në Trebisht, Zeqan e Tërnovë.
Ndërsa në qarkun e Korçës, raportohet se trashësia e dëborës ka arritur 10-15 cm, ndërsa në Voskopojë 5-10 cm.
Moti i keq që ka përfshirë vendin gjatë orëve të fundit ka shkaktuar probleme të shumta në furnizimin me energji elektrike në qarkun e Korçës dhe Pogradecit.
Reshjet e borës kanë përfshirë pjesën më të madhe të qarkut të Dibrës. Ndërkohë në disa njësi të thela të këtij qarku lartësia e dëborës ka shkuar deri në 40 cm. Si pasojë disa fshatra për momentin janë të bllokuar për shkak se rrugët rurale janë të amortizuar dhe reshjet e dëborës e bëjnë të pamundur qarkullimin e mjeteve.
Në disa zona ka edhe mungesë të linjës elektrike, ndërsa rruga nacionale Burrel-Peshkopi është pa probleme.
Njësitë problematike janë Lura, Kalaja e Dodës, Arras, Trebisht, disa fshatra të njësisë Zerqan janë të bllokuara. Po ashtu edhe Ternova e Madhe dhe Ternova e Vogël kanë probleme, lartësia e borës vijon nga 30-40 cm.
Konkretisht pa energji elektrike kanë mbetur disa fshatra në Njësinë Administrative Ceraves në Pogradec, fshatra në Vithkuq, disa fshatra në Fushën e Korçës si dhe një lagje e tërë në Maliq.
Pritet që temperaturat minimale në vendet malore do të shkojnë deri në -10 gradë, ndërsa ato maksimale në 11 gradë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
