Një ditë pas arrestimit të 6 personave të akuzuar se tentuan të fusnin në Shqipëri mbetje të rrezikshme me tragetin e linjës Brindizi-Vlorë ka reaguar edhe bashkëshortja e Zamir Kormuzit, pronarit të firmës së grumbullimit të mbetjeve, i cili u arrestua ditën e djeshme.
Ajo thotë se ky biznes është me dokumentacion të rregull dhe se për çdo mbetje të dyshuar si të dëmshme për organizmin dhe ambientin është e detyruar që të kontaktojë Inspektoratin e Mjedisit.
Kormuzi hedh poshtë akuzat që rëndojnë mbi të shoqin dhe kërkon lirimin e tij.
Gjatë operacionit të koduar “Amiant” u zbulua se një target nga Italia po transportonte një sasi të konsiderueshme me mbetje të rrezikshme, me destinacion vendin tonë. Menjëherë pas këtij konstatimi, policia sekuestroi tragetin dhe sasinë e mbetjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
