I mbytur me një çarçaf në qelinë e tij në një repart të burgut Torre del Gallo, Aldo Latifaj, 20-vjeçari i burgosur italo-shqiptar, ka ndërruar jetë pavarësisht ndërhyrjes së mjekëve.
Ngjarja ndodhi të mërkurën në mbrëmje rreth orës 20:00 në burgun Torre del Gallo, ndërsa i riu u soll ende i gjallë në urgjencën e spitalit San Matteo, por mjekët nuk arritën t’i shpëtonin jetën 20-vjeçarit, i cili shënon vetëvrasjen e gjashtë brenda vitit të fundit në këtë institucion të vuajtjes së dënimit.
Oficerët e policisë së burgjeve kanë hapur një hetim dhe i kanë dërguar një raport fillestar Prokurorisë Publike në Pavia, ndërsa është urdhëruar një autopsi e cila do të zbardhë shkaqet e vdekjes.
I riu i ndaluar për krime kundër pronës ka mbetur vetëm mbrëmjen e së mërkurës në qeli dhe në këtë mënyrë nuk ka hasur asnjë pengesë në kryerjen e aktit.
Sakaq, bëhet me dije se oficerët e burgut e vunë re atë të shtrirë në dysheme dhe menjëherë lajmëruan mjekun e burgut i cili nuk mundi të bënte gjë, duke kërkuar ndihmën e shërbimit të urgjencës të cilët arritën ta intubojnë, por pa rezultat.
Ndërkohë, oficerët e burgut kanë kryer hetimet e para dhe janë përpjekur të rindërtojnë se si kishte ndodhur tragjedia e njëqindtë brenda burgut të Pavias.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
