Kryedemokrati Lulzim Bash aka qenë i pranishëm në Kavajë, aty ku edhe u plagos një mbështetës i kësaj force politike. Ngjarja ndodhi në zyrën elektorale në Kavajë, ndërsa për këtë foli edhe vetë Basha.
Para qindar mbështetësve të mbledhur para vendit ku ndodhi ngjarjs, kryedemokrati u shpreh se ky është një akt burracakt dhe se përgjegjien e kësaj ngjarje, kundërshtarët do ta marrin në zgjedhjet e 25 prillit.
“E dinë se shqiptarë janë të vendosur që t’i largojnë. E bashkuar dhe e vendosur më shumë se kurrë PD, Kavaja, Aleanca për Ndryshim. Le t’ja japim përgjigjen këtij akti burracak, këtij atentati ndaj demokracisë të gjithë masivisht të dielën në kutitë e votimit. Ti japim fund njëherë e mirë këtij tetë-vjeçari makth për shqiptarët dhe të kthejmë Kavajën e demokracisë. Të gjithë sëbashku asnjë hap prapa le të vazhdojmë marshimin tonë ditë për ditë , krah për krah ku Kavaja dhe Shqipëria do ti japë përgjigjen e merituar këtij atentati të shëmtuar”, tha Basha.
Ngjarja ndodhi mbrëmjen e sotme, ku Ndriçim Jonuzi plagosi me armë mbështetësin e PD, Bledar Okshtuni. Policia bëri me dije se si pasojë e një konflikti për motive të dobëta mes tyre, Jonuzi ka hyrë në ambientet e brendshme të zyrës elektorale dhe ka plagosur me pistoletë në këmbë 27-vjeçarin. Ky i fundit është dërguar në spitalin e Durrësit, ndërsa autori është shpallur në kërkim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
