Operacion nga SPAK dhe RENEA në Lushnjë/ Ndalohet kryetari i bashkisë Fatos Tushe dhe vartësit e tij (VIDEO)

Prokuroria e Posaçme Anti Korrupsion ka njoftuar se është ndërmarrë një operacion masiv kundër korrupsionit në qytetin e Lushnjës.

Gjatë zhvillimit të këtij operacioni janë arrestuar disa persona, ku mes tyre dhe kryebashkiaku i Lushnjës, Fatos Tushe.

Në operacion janë përfshirë forcat e policisë dhe Forcat e Ndërhyrjes së Shpejtë (FNSH) të cilët kanë zhvilluar poashtu kontrolle në Kadastrën e qytetit. Tushe dyshohet se ka dhënë leje ndërtimi në kundërshtim me ligjin.

Krahas kryebashkiakut zbardhen edhe emrat e 11 të arrestuarve të tjerë nga FNSH dhe RENEA në ambientet e Bashkisë së Lushnjes me urdhër të Prokurorisë së Posaçme Anti-Korrupsion (SPAK).

Mes tyre është edhe Flamur Peqini, ish-kreu i Inspektoratit të Ndërtimit në Lushnje, për të cilin dyshohet se ai kishte rolin e organizatorit në dhënien e lejeve të paligjshme për ndërtime pa leje.

Me të njëjtën akuzë në pranga është vënë edhe kryetari i Bashkisë së Lushnjes Fatos Tushe.

LISTA

Flamur Peqini ( Ish kreu i Inspektoratit të Ndërtimit në Lushnje)

Xhemal Hasko

Blerta Turuku

Ani Simoni

Andri Mushaj

Margarita Gjermeni

Bujar Murati

Ibrahim Lami

Xhemal Hasko

Gazment Çela

Bektash Nezha

Ndërkaq dje, kreu i SPAK, Arben Kraja paralajmëroi se të gjithë ata që kanë abuzuar me fondet publike do të ndëshkohen.

Kujtojmë se Tushe drejton këtë bashki prej tre mandatesh, ndërsa përfaqëson Partinë Socialiste. Tushe së bashku me sekretaren e tij mbetën të plagosur më 31 dhjetor të 2020-ës, pasi në zyrë iu hodh lëndë plasëse.