Grupi palestinez islamik Hamas akuzoi ditën e sotme Shtetet e Bashkuara të Amerikës si “bashkëpunëtorë në masakra”’ që pretendon se po kryhen nga Izraeli në Gaza, pasi Presidenti amerikan Joe Biden pranoi versionin izraelit të një rakete që vrau qindra njerëz në një spital.
“Fakti që Presidenti amerikan miraton versionin izraelit, veçanërisht atë në lidhje me masakrën në spital konfirmon se qeveria amerikane e mbështet verbërisht Izraelin dhe se është bashkëpunëtor në këto masakra”, tha Hamasi në një deklaratë të lëshuar pas.
Biden, i cili po viziton Izraelin, fajësoi për sulmin me raketa i cili goditi spitalin të martën mbrëma, “palën kundërshtare”.
Ndërkohë, Osama Hamdan, një zyrtar i Hamasit, tha në një konferencë për shtyp në Liban se SHBA dhe vendet perëndimore që mbështesin Izraelin “mbajnë përgjegjësinë e plotë për luftën kundër civilëve në Gaza”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
