Perëndimi nuk dëshiron të hedhë një vështrim të sinqertë në origjinën e krizës në Ukrainë, dhe vetëm ia hedh fajin Moskës, tha ministri i Jashtëm rus Sergej Lavrov të mërkurën në OKB.
“Sot, retorika e kundërshtarëve tanë është e mbushur me parrulla: 'pushtim', 'agresion', 'aneksim'. Dhe asnjë fjalë të vetme për shkaqet rrënjësore të problemit”, tha Lavrov në një fjalim në Këshillin e Sigurimit të OKB-së.
Ai vazhdoi duke akuzuar Perëndimin për “nxitjen e një regjimi nazist në Ukrainë, i cili ka rishkruar hapur rezultatet e Luftës së Dytë Botërore dhe historinë e popullit të vet”.
“Perëndimi po i shmanget një diskutimi thelbësor të bazuar në fakte dhe respektimin e të gjitha parimeve të Kartës së Kombeve të Bashkuara. Me sa duket nuk ka argumente për një dialog të ndershëm”, tha ministri.
Moska ka këmbëngulur se u detyrua të nisë operacionin e saj ushtarak në Ukrainë vitin e kaluar për të mbrojtur popullin e Donbasit dhe ka përmendur dështimin e Kievit për të zbatuar marrëveshjet e paqes të Minskut 2014-2015. Perëndimi gjithashtu ka mbështetur nacionalistët, të cilët erdhën në pushtet gjatë grushtit të shtetit të vitit 2014 në Kiev, thanë zyrtarët rusë.
Lavrov akuzoi autoritetet ukrainase për pengimin e negociatave të paqes. Ai vuri në dukje se presidenti ukrainas Vladimir Zelensky lëshoi një dekret në tetor 2022, në të cilin ai deklaroi "pamundësinë e zhvillimit të negociatave me presidentin rus Vladimir Putin".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
