Mbërrin një tjetër grup shqiptarësh të mbetur jashtë shtetit për shkak të mbylljes së kufijve nga pandemia e koronavirusit.
Avioni i "Air Albania", me 109 shqiptarët e mbetur jashtë kufijve nga COVID-i ka ardhur nga Madridi. Në orën 17:15, shqiptarët kanë zbritur në aeroportin e Rinasit dhe më pas janë drejtuar për në hotelet karantinë në Durrës ku do të qëndrojnë për 14 ditë përpara se të bashkohen me familjen.
Ndërkohë që Ministria e Infrastrukturës ka publikuar edhe datat e reja për riatdhesimet në ditët në vijim.
Nesër do të ketë dy fluturime nga Milano dhe Stambolli, në 30 prill sërish nga Italia, Milano dhe Romë, më 1 maj nga Frankfurti dhe më 2 maj nga Londra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
