Pas vendimit të Gjykatës Kushtetuese, e cila rrëzuar kërkesën për shfuqizimin e VKM-së për ndërtimet pa leje, ka reaguar sekretari i Përgjithshëm i Partisë Demokratike, Gazment Bardhi. Me anë të një postimi në rrjete sociale, Bardhi shkruan se GJK-ja nuk i rezistoi dot presionit dhe shantazhit të kryeministrit Edi Rama. Po ashtu ai ka theksuar se kjo VKM është thelbi i qeverisjes së Ramës, ku parashikon burg për qytetarët e thjesht dhe amnisti për oligarkët. Postimi i Bardhit: Asnjë surprizë! Vendimin e sotëm të Gjykatës Kushtetuese e ka shpallur Edi Rama më 15.12.2022, ku kërkoi nga GJK të mos lajthisë dhe e sfidoi hapur duke paralajmëruar moszbatimin e çdo vendimi të ndryshëm. Për fat të keq Gjykata Kushtetuese nuk i rezistoi dot presionit dhe shantazhit të Kryeministrit dhe oligarkëve të tij! VKM-ja që legalizon ndërtimet pa leje të oligarkëve është thelbi i qeverisjes së Edi Ramës: Burg për qytetarët e thjeshtë, amnisti dhe legalizim për oligarkët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
