Wendi Deng, ish-gruaja e manjatit të mediave, Rupert Murdoch, mund të jetë agjente e Kinës.
Ky është dyshimi i shërbimit sekret amerikan, i cili në fillim të vitit 2017 ka informuar Jared Kushner, dhëndrin e presidentit Donald Trump, për dyshimet se sipërmarrësja mund ta ketë shfrytëzuar miqësinë e ngushtë me të dhe gruan e tij, Ivanka Trump, për të promovuar interesat e Pekinit.
Lajmin e bën të ditur Wall Street Journal, gazeta në pronësi të Murdoch, i cili u divorcua nga Wendi Deng në vitin 2013, pas zërave që u përhapën për një lidhje të saj me ish-kryeministrin britanik, Tony Blair.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
