Nga Kavaja, aty ku hapi fushatën elektorale për qytetin kreu i Partisë Demokratike Lulzim Basha tha se kryeministri Edi Rama bën spektakël vetëm për të bërë bilancin me premtimet e pa mbajtura.
Basha ironizoi takimet e Ramës duke thënë se tre javë me spektakël as Madona nuk e shtyn dot, jo më Edi Rama.
"E pashë në mitingun ku prezantuan atë kandidatin tjetër që i ndërrojnë si kuajt e lodhur. E pashë. Nuk kishte çfarë thoshte në mes të Kavajës. Ka veshur tuta, bën estradë, bën karikatura me elefantë, me zebra, me cjapë, me dele. Pritni të bëjë edhe vertikalen, vetëm e vetëm që të mos bëjë asnjë bilanc, vetëm e vetëm që ta fshijë nga mendja e njerëzve premtimin për 300 mijë vende pune.
Kujton se do ta shtyjë me spektakël tre javë. Tre javë me variete në vend që të përballet me bilancet e tij. Mund ta shtyjë tre ditë, por tre javë me spektakël as Madona nuk e shtyn dot, jo më Edi Rama. Ora e bilancit ka ardhur. Ora e së vërtetës ka ardhur Edi Rama këtu në Kavajë. Përballu me dështimin total të mos mbajtjes së premtimeve", tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
