Një fëmijë 5 vjeç dhe nëna e tij kanë humbur jetën mbrëmjen e së shtunës si pasojë e vërshimeve nga shirat e dendur në Pejë. Lajmi është bërë i ditur nga autoritetet policore: Drejtoria Rajonale e Policisë Pejё, njofton se me datё 24.06.2023 si pasojё e vërshimeve nё qytetin e Pejёs, nё lagjen “Asllan qeshme” njё fёmijё ka humbur jetën ndërsa nëna e tij ёshtё e zhdukur. Pas kërkimeve nga njësitet Policore rreth orё 01:20, tё datës 25.06.2023, ёshtё gjetur personi i zhdukur. Vdekjen e viktimës e ka konstatuar ekipi mjekësor. Kosova është përballur me përmbytje në disa qytete edhe në janar të këtij viti. Atëherë, Asociacioni i Komunave të Kosovës kërkoj nga Qeveria që të krijoj një fond emergjent për komunat, ndërsa mediat vendase etiketojnë si shkak të përmbytjeve dëmtimin e shtretërve të lumenjve, si pasojë e nxjerrjeve të paligjshme të zhavorrit. Ndërkohë, ministri i Mbrojtjes së Kosovës, Armend Mehaj ka njoftuar se njësitë e kërkim-shpëtimit të Forcave të Sigurisë së Kosovës janë në terren.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
