Kamboxhia, Kryeministri i kalon pushtetin djalit të tij

Kryeministri kamboxhian Hun Sen, i cili është në pushtet që nga viti 1985, ka dhënë dorëheqjen për t’ia kaluar pushtetin djalit të tij, Hun Manet 45 vjeç. Vendimi u bë i ditur nga vetë Kryeministri, pak ditë pas një fitoreje dërrmuese të partisë së tij në zgjedhjet farsë pa opozitë. “Do të doja t’u kërkoja njerëzve mirëkuptim ndërsa njoftoj se nuk do të vazhdoj si Kryeministër,” tha politikani dhe ushtaraku 70-vjeçar, i cili po largohet nga pushteti pas katër dekadash në qeveri, në një transmetim special në televizionin shtetëror. Hun Sen ka eliminuar të gjithë kundërshtarët ndaj sundimit të tij, ku partitë opozitare janë të ndaluara, sfiduesit të detyruar të ikin dhe liria e shprehjes është e kufizuar. Partia e tij Popullore Kamboxhiane arriti një fitore dërrmuese në zgjedhjet e së dielës pa konkurrentë real, nëse jo 17 parti të vogla pothuajse të panjohur, duke marrë 82% të votave dhe duke i hapur rrugën një pasardhësie dinastike për djalin e tij të madh, të cilin disa kritikë e kritikojnë, duke e krahasuar me atë të Koresë së Veriut. Partia kryesore e opozitës, Partia e Qirinjve, është lënë mënjanë për teknikalitete ligjore, përfaqësuesit e saj janë në burg, në internim ose janë zhdukur. Fuqitë perëndimore, përfshirë Shtetet e Bashkuara të Amerikës dhe Bashkimin Europian, e kanë përcaktuar votimin si as të lirë dhe as të drejtë. Hun Sen e bëri të qartë se pasi ia dorëzoi djalit të tij, 45-vjeçarin Hun Manet, i cili luajti një rol udhëheqës në fushatën e votimit të së dielës, synon ende që të ushtrojë ndikim, madje hodhi poshtë idenë se vendi mund të ndryshojë drejtim. Gjatë mandatit të tij të gjatë, Kamboxhia është afruar më shumë me Pekinin, duke përfituar nga investime të mëdha kineze dhe projekte infrastrukturore, duke përfshirë rizhvillimin e një baze detare që ka alarmuar Uashingtonin. Kina përshëndeti zgjedhjet e së dielës, ku Presidenti Xi Jinping që i dërgoi Hun Sen-it një mesazh personal urimi.