Shangai goditet nga një tjetër tajfun, më shumë se 100 mijë të evakuuar

Këtë të premte, Shangai  u godit nga një tjetër tajfun që çoi në evakuimin e më shumë se 100,000 njerëzve.

Bëhet me dije se disa lagje u përmbytën.

Sipas agjencisë qeveritare të lajmeve Xinhua, tajfuni Pulasan goditi Shangain gjatë natës, me një shpejtësi maksimale të erës prej 83 km/h.

Rreth 112,000 njerëz u evakuuan dhe disa shërbime transporti si tragetet dhe trenat, u pezulluan, sipas agjencisë shtetërore.

Dy stacione meteorologjike regjistruan më shumë se 300 milimetra reshje në hapësirën e gjashtë orëve, më të rëndat në rrethet e tyre përkatëse që nga fillimi i regjistrimeve, vëren Xinhua.