Kryeministri rus, Dmitri Medvedev, dhe qeveria e tij kanë dhënë dorëheqjen. Lajmin e bëjnë të ditur mediat ruse.
Njoftimi erdhi menjëherë pasi Presidenti Vladimir Putin mbajti fjalimin e tij vjetor.
Duke pranuar dorëheqjen, Putini u kërkoi ministrave që të vijojnë detyrën si qeveri e përkohshme derisa të formohet një e re.
Para se të njoftonte dorëheqjen e kabinetit, Medvedev u takua me Putin.
Putin tha se ai planifikon të krijojë një pozicion të zëvendëssekretarit të Këshillit të Sigurisë së Rusisë, dhe t'ia ofrojë atë Medvedev.
Në fjalimin e tij, Putin propozoi disa ndryshime në kushtetutë. Këto ndryshime kanë të bëjnë me reformimin e qeverisë, përfshirë sugjerimin që ministrat e qeverisë të miratohen nga Duma e Shtetit. Po ashtu, sipas propozimit të Putin, detyrën e presidentit nuk mund ta mbajë për dy mandate rresht i njëjti person. Ndërkohë, do të jetë presidenti ai që do të përcaktojë përparësitë e qeverisë.
"Rusia duhet të mbetet një republikë e fortë presidenciale, kështu që presidenti duhet të ketë të drejtë të përcaktojë detyrat dhe përparësitë e qeverisë, si dhe të drejtën për të shkarkuar kryetarin e qeverisë, deputetët e tij dhe ministrat federalë në rast të shkeljeve apo moskryerjes së detyrës siç duhet", tha Putin në fjalimin e tij.
Mandati i Putinit do të përfundojë në vitin 2024. Në këto kushte, nuk janë të paktë ata që thonë se propozimet e Putinit janë në funksion të planeve të tij për të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
