“X” pezullon disa llogari të figurave të opozitës turke 

Platforma e mediave sociale “X” ka pezulluar disa llogari që i përkasin figurave të opozitës turke, raporton “Politico”.

Pezullimi vjen mes protestave të vazhdueshme për arrestimin e kryebashkiakut të Stambollit Ekrem Imamoglu, një anëtar i partisë socialdemokrate CHP opozitare, me akuza për korrupsion.
Ligji turk i lejon qeverisë të kërkojë pezullime të tilla.

"Nuk është hera e parë që X ka kufizuar aksesin në përmbajtje në vend," vëren Politico, duke shtuar se "X mori parasysh rreth 86 për qind të kërkesave të qeverisë për të hequr përmbajtjen në gjysmën e dytë të 2024 në Turqi, krahasuar me 68 për qind në gjysmën e parë të vitit, sipas raporteve të transparencës." 

Politico shton më tej se "autoritetet turke paraqesin rreth gjashtë herë më shumë kërkesa për heqje përmbajtje" sesa vendet e Bashkimit Evropian.