Ndërsa hapësirat në Tufinë dhe Sharrë janë minimizuar dhe vazhdimisht po hapen parcela të reja, thirrjes së bashkisë për varrezat murale i janë përgjigjur shumë pak banorë. Vetëm 19 familjarë kanë pranuar t’i rivarrosin të afërmit e tyre në këtë mënyrë.
Për MCN drejtoresha e Agjencisë së Shërbimeve Funerale, Raimonda Shino tregon procedurën se si kryhet rivarrosja.
Në Tufinë dhe Sharrë prehen eshtrat e 120 mijë qytetarë, ndërsa rihapen parcela të reja çdo dy vite.
Numrin e ulët të familjarëve që kërkojnë rivarrosje në varrezat murale, më së shumti lidhet me kundërshtinë e fesë islame.
Aktualisht në vendin tonë kryhet vetëm rivarrosje e eshtrave nga varret standarde në varrezat murale, ndërsa ende nuk kryhet varrosja direkt në këto poste, siç ndodh në një pjesë të vendeve të tjera. Agjencia Funerale dhe bashkia e Tiranës kërkojnë që familjarët të zgjedhin këtë risi për të rivarrosur të afërmit e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
