Përtej mureve të ftohta dhe të vetmuara dhimbja rrëmben çdo cast të jetës së grave që vuajnë dënimin në burgun 325 në Tiranë. Sot, në 8 Mars, Institucioni i Burgut ka menduar tu sjellë atyre ca momente ndryshe, pak nga bota e jashtme njerëzore. Sot ato duhet të jenë “të gëzuara” dhe të “dëfrejnë” por brenda këtyre mureve gëzimi, nëse mund të quhet kështu, merr kuptim tjetër. Gati gati duket sikur këto çaste gëzimi janë pjesë e listës së detyrave të tyre të përditshme. Në burgun 325 ka nëna që mbajnë mbi supe netë të gjata dhe të ftohta pritjesh për të përqafuar fort në takimin e radhës më të shtrenjtët e tyre, fëmijët.
Mikroskop sjell tek ju jetën përtej mureve të trishta, mure që në fakt mbajnë një magji therëse brenda tyre. Pas hekurave të burgut 325 dhimbja kthehet në forcë, tmerri në shpresë, errësira në ditë dhe burgu nuk është më burg,atje brenda jeton ëndrra që shkon përtej ferrit, ëndrra për liri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
