Breshka gjigante e Galapagosit, e njohur me emrin Diego, të cilit i atribuohet edhe shpëtimi i species së vet nga zhdukja, zyrtarisht ka dalë në pension.
Diego dhe 14 breshka të tjera, të gjinisë mashkull, janë rikthyer në ishullin ku kanë lindur, Espanjola, në Galapagos.
Breshkat u lanë të lira të hënën pas dekadash që mbaheshin në ishullin e Santa Cruzit ku ishin pjesë e një programi shumimi. Programi rezultoi një sukses duke sjellë më shumë se 2 breshka gjigande që kur ai filloi në 1960.
Diego, breshka 100 vjeçare, mendohet se është babai i qindra prej tyre, ose rreth 40 për qind e 2 mijë breshkave gjigante që janë sot gjallë.
Ministri i ambjentit i Ekuadorit, Paulo Proanjo Andrade tha se programi i shumimit po mbyllte një kapitull të rëndësishëm në histori. Diego dhe breshkat e tjera do të kthehen në shtëpi pasi kanë shpëtuar specien e tyre nga zhdukja, shkroi ministri në tëitter duke shtuar se Espanjola i priste ato me krahët hapur.
Rreth 50 vite më parë, kishte vetëm dy meshkuj dhe 12 femra të gjalla nga specia e Diegos në Espanjola. Dhe për të shpëtuar specien, Diego u mor në kopshtin zoologjik të San Diegos, për t’u bërë pjesë e një programi shumimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
