BE hap zyrtarisht negociatat e anëtarësimit me Ukrainën dhe Moldavinë

Ky hap është cilësuar “historik” si në Kiev ashtu edhe në Bruksel.

Rusia ka kërkuar me të gjitha mjetet të pengojë këtë proces pranimi, i cili premton të jetë i gjatë dhe i vështirë.

"Gjatë vitit të kaluar, vendi ynë ka qenë subjekt i sulmeve hibride të orkestruara nga Moska, në një përpjekje për të prishur procesin e integrimit evropian", tha kryeministri moldav Dorin Recean, në fjalimin e tij në Luksemburg.

“Në Ukrainë, 90% e njerëzve na mbështesin, ne do të bëjmë reformat e kërkuara”, siguroi zëvendëskryeministrja ukrainase Olga Stefanishyna.

Negociatorët fillimisht do të shqyrtojnë legjislacionin e Ukrainës dhe Moldavisë për të kontrolluar nëse ato janë në përputhje me BE-në.

“Kjo fazë, “skanimi” , zakonisht zgjat një deri në dy vjet, por në rastin e Ukrainës dhe Moldavisë, gjërat do të ecin më shpejt sepse ne tashmë kemi një ide mjaft të qartë të situatës”, nënvizoi një burim diplomatik, në kushte anonimiteti.