Certifikohet Presidenti i ri në Brazil, mbështetësit e ekstremit të djathtë djegin automjete dhe përplasen me policinë

Mbështetësit e Presidentit në largim të Brazilit, Jair Bolsonaro u përpoqën të hënën të pushtonin selinë e policisë federale në kryeqytetin Brasilia.

Një valë dhune ka shpërthyer nga dje në Brazil, pas certifikimit të Presidentit të ri Lula, dhe largimit të Bolsonaros, që përfaqëson ekstremin e djathtë.

Mbështetësit e Bolsonaros, të veshur me fanellat e ekipit kombëtar apo flamurit brazilin, u përballën me forcat e sigurisë në selinë e policisë. 

Policia hodhi granata trullosëse dhe gaz lotsjellës për të shpërndarë turmën. Në vendngjarje u dogjën dhe makina e autobusë.